لا تناقشني عن أسباب اغترابي *** غـربـة الـتـاريخ خلتني غريب

الوطن مرسوم في صفحة عذابي *** لـكـن الدنيا تـناقضها عجيب

الـعـدل لـو قـال يثبت إنتسابي *** مـن ظـهـر عـودٍ مورثتي ظليب

آه يا ذيب  تـوازا وإنـتخـا بي *** جاهل الماضي ولا أعرف الجليب

إن عويت الوقت قبلك عوى بي ***وإلتزمت الصمت والعالم خطيب

أبتـسم والقـلب ضـايق بإنتحابي *** وأمـدح أيـامـي ولـكن ما تطيب

إيه أجاهد بس مدري وش بقا بي ***كـل ظن في وعـد بـكرى نحيب